Ichki gemorroyning simptomlari va davolash

SABABLARI SIMPTOMLARI DAVOLASH

Gemorroy - bu ichki va/yoki tashqi gemorroidal tomirlarning o'zgarishi va kattalashishi bilan tavsiflanadigan kasallik bo'lib, keyinchalik ular tugunlarni hosil qiladi. Ushbu tugunlar yallig'lanishi, qonashi va anal teshikdan tashqariga tushib chiqishi mumkin. Kasallik ayollar va erkaklarda bir xil darajada uchraydi, uning tarqalganligi 1000 aholiga 130-140 holatni tashkil etadi. Ichki gemorroyning simptomlarini aniqlash va davolashni tayinlash shifokor-proktolog vakolatiga kiradi.

Nima uchun ichki gemorroy rivojlanadi

Patologik o'zgargan gemorroidal tugunlar hosil bo'lishini qo'zg'atuvchi asosiy sabab - to'g'ri ichakning pastki qismi tomirlariga qon kelishi va undan chiqishi o'rtasidagi nomutanosiblikdir. Qorin bo'shlig'i ichidagi bosimning oshishi va kichik chanoq venalarida dimlanish qon aylanishining buzilishiga yordam beradi. Bundan tashqari, gemorroidal chigal tomirlarini barqaror holatda ushlab turuvchi mushaklar va bog'lamlardagi distrofik o'zgarishlar ham muhim ahamiyatga ega.

Gemorroy zamonaviy jamiyat muammosi hisoblanadi va uning rivojlanishi ko'p jihatdan insonning hayot tarziga bog'liq. Adinamiya, o'tirib ishlash va yetarli jismoniy faollikning yo'qligi muqarrar ravishda kasallik shakllanishiga olib keladi. Boshqa xavf omillari orasida quyidagilar qayd etiladi:

ortiqcha vazn;
defekatsiya vaqtida muntazam kuchanish;
najasning uzoq davom etuvchi buzilishi (qabziyat yoki diareya);
ichak shilliq qavatini ta'sirlovchi ichimliklar va taomlarni muntazam iste'mol qilish (spirtli ichimliklar, ziravorlar va boshqalar);
chekish;
uzoq davom etuvchi zo'riqtiruvchi yo'tal;
yuk ko'tarish bilan bog'liq og'ir jismoniy mehnat;
tomir patologiyasi (varikoz, ateroskleroz va boshqalar);
kichik chanoqdagi patologik holatlar (o'smalar, bitishmalar va boshqalar).

Relief® malhami

KO'PROQ BILISH

Ayollarda gemorroy ko'pincha homiladorlik va tug'ruq fonida rivojlanadi.^1,2

Ichki gemorroyda qanday simptomlar kuzatiladi?

Kasallikning klinik manzarasi uning bosqichi va kechish xususiyatiga bog'liq. O'tkir gemorroy uch darajadagi og'irlikka ega. Kasallik boshida bemor anal teshik sohasida kuydiruvchi hissiyot va qichishishni sezadi, ular defekatsiyadan keyin kuchayadi. Anatomik xususiyatlar sababli ichki gemorroy uzoq vaqt og'riqsiz kechishi mumkin.

Kasallikning ikkinchi darajasi perianal sohada shish, og'riq va yaqqol qizarish paydo bo'lishi bilan tavsiflanadi. Bemor "hojatga borish" vaqtida anal teshik sohasida og'riq seza boshlaydi, keyinchalik esa yurishda va uzoq vaqt o'tirgan holatda ham og'riq paydo bo'ladi. Turli davriylikda qon ketishlar kuzatiladi (bir necha tomchidan bir necha millilitr qongacha).

Kasallikning 3-darajasida yallig‘lanish butun anal soha bo‘ylab tarqaladi. Ichki to‘q qizil-ko‘kimtir gemorroidal tugunlar tashqariga chiqib turadi. Bemor kuchli og‘riq, jismoniy va psixologik noqulaylikni his qiladi. Ko‘pincha kuchli qon ketishlar paydo bo‘ladi.

Kasallikning 3-darajasida yallig'lanish butun anal soha bo'ylab tarqaladi. Ichki to'q qizil-ko'kimtir gemorroidal tugunlar tashqariga chiqib turadi. Bemor kuchli og'riq, jismoniy va psixologik noqulaylikni his qiladi. Ko'pincha kuchli qon ketishlar paydo bo'ladi. Surunkali gemorroyda remissiya davrlari zo'rayishlar bilan almashadi. Zo'rayishlar turli klinik manzaraga ega. Kasallikning yetakchi belgisi - anal teshikdan qon ketishidir. Qonsiz ichki gemorroy simptomlari quyidagicha bo'lishi mumkin:

to'g'ri ichak va anal teshik sohasida turli intensivlik va xarakterdagi noqulaylik, begona jism hissi, qichishish, kuydiruvchi hissiyot va og'riq, og'riqning qo'shni anatomik tuzilmalarga tarqalishi mumkin;
defekatsiya vaqtida ichak to'liq bo'shamaganlik hissi;
anal kanaldan shilliq ajralishi;
tugunlarning tashqariga chiqishi.

Kasallik rivojlanib borganda ko'pincha anal yoriqlar, fistulalar va boshqa asoratlar paydo bo'lib, klinik manzarani yangi simptomlar bilan to'ldiradi.^1,2

Gemorroyda ichki tugunlarni davolash usullari

Ichki gemorroyda davolash choralari shifokor tomonidan bemorning individual xususiyatlari va kasallikning klinik belgilarini hisobga olgan holda tanlanadi. Kasallikning har qanday shakliga ega barcha bemorlarga, birinchi navbatda, hazm qilish tizimi faoliyatini normallashtirish uchun optimal miqdorda oziq tolalari va suyuqlik saqlovchi dietaga rioya qilish tavsiya etiladi.

Konservativ terapiya quyidagilarni o'z ichiga oladi:

tizimli qo'llash uchun farmatsevtik preparatlar (og'riq qoldiruvchi, yallig'lanishga qarshi, qon to'xtatuvchi va boshqalar);
mahalliy qo'llash uchun dori vositalari (rektal shamlar, gellar, malhamlar va kremlar - og'riq qoldiruvchi, regeneratsiyalovchi, immunomodulyatsiyalovchi va boshqa ta'sirlarga ega bo'lib, kasallik simptomlarini bartaraf etish va shikastlangan to'qimalarni tiklash imkonini beradi).¹

Ushbu oxirgi preparatlar guruhiga Relief kiradi. U kombinatsiyalangan vosita bo'lib, ikki shaklda chiqariladi: rektal suppozitoriylar (shamlar) va rektal hamda tashqi qo'llash uchun malham. Ichki gemorroyda Relief shamlarini bir nechta variantda qo'llash mumkin:

Relief (fenilefrin gidroxlorid) yallig'lanish belgilarini bartaraf etadi, tomir toraytiruvchi va yara bitkazuvchi ta'sir ko'rsatadi;
benzokain saqlovchi Relief Advance to'qimalar sezuvchanligini kamaytiradi (yaqqol og'riq qoldiruvchi ta'sir), tizimli qon oqimiga o'tmasdan (organizm uchun xavfsiz);
tarkibida rux sulfat va gidrokortizon atsetat mavjud bo'lgan Relief Ultra shilliq qavat va teri shikastlanishlarining tez bitishi uchun qulay sharoit yaratadi^3,4,5.

Ichki gemorroyni davolash kam invaziv jarrohlik usullari yordamida ham mumkin (skleroterapiya, ichki gemorroidal tugunlarni lateks halqalar bilan ligatsiya qilish, lazer destruksiyasi va boshqa usullar). Ko'rsatmalarga ko'ra klassik operativ aralashuv bajariladi.

1. RF SSV 2020 yilgi klinik tavsiyalari: «Gemorroy»
2. Levanovich V.V., Kohanenko N.Yu. «Fakultet jarrohligi bo'yicha tanlangan ma'ruzalar», o'quv qo'llanma, 2011 yil: Gemorroy.
3. Rivkin V.L. / "Gemorroy ambulator davolash"/Statsionar o'rnini bosuvchi texnologiyalar. Ambulator jarrohlik jurnali, 2014 yil, ? 3-4 (55-56), 35-37-betlar.
4. Vidal dori vositalari ma'lumotnomasi / Relief preparatini qo'llash bo'yicha yo'riqnoma.
5. Bayer kompaniyasining rasmiy sayti: Relief: https://www.relief.ru/products/

L.RU.MKT.CC.09.2020.3386
L.RU.MKT.CC.11.2020.3472

Maqolalar

Bizning maqolalarimizdan siz gemorroy (bavosil) haqida tez-tez so`raladigan savollarga javob topishingiz mumkin

Ichki gemorroyning simptomlari va davolash

Nima uchun ichki gemorroy rivojlanadi

Relief® malhami

Ichki gemorroyda qanday simptomlar kuzatiladi?

Gemorroyda ichki tugunlarni davolash usullari

Maqolalar

Xojatga boorish haqida noqulay vaziyatlar

Bavosildan jarrohliksiz qanday qutilish mumkin

Bavosilning 1 bosqichi

Bavosilning 2-bosqichi

Bavosilning 3-bosqichi

Bavosilning asosiy namoyon bo'lishi - to'g'ri ichakning shilliq osti qavatida qon turib qolishi natijasida vena tugunlarining paydo bo'lishi.

O`tkir gemorroy(bavosil): sabablari, simptomlari va davolash