Bemor uchun ma’lumot ilova-varaqa
Relif® Ultra, 10 mg+11 mg, rektal suppozitoriylari
Ta’sir etuvchi moddalar: gidrokortizon, rux sulfati
Ushbu preparatni qo’llashdan oldin ilova varaqani to'liq o'qib chiqing, chunki unda siz uchun muhim ma'lumotlar mavjud.
Har doim ushbu preparatni ilova-varaqa ko’rsatmalari yoki davolovchi shifokor yoki dorixona xodimi tavsiyalariga ko’ra qo’llanilsin.
Ilova-varaqani saqlab qo’ying. Siz uni qayta o'qishingiz kerak bo'lishi mumkin.
Agar sizga qo'shimcha ma'lumot yoki tavsiyalar kerak bo'lsa, dorixona xodimiga murojaat qiling.
Agar Sizda biron bir noxush reaktsiyalar yuzaga kelsa, davolovchi shifokor yoki dorixona xodimiga murojaat qiling. Ushbu tavsiya har qanday yuzaga kelishi mumkin bo'lgan noxush reaksiyalarga, shu jumladan ilova varaqasining 4-bo'limida sanab o’tilmaganlariga nisbatan qo'llaniladi.
Ilova-varaqa mazmuni
1. Relif® Ultra o’zidan nimani tashkil etadi va u nima uchun qo’llaniladi.
2. Relif® Ultra preparatini qo’llashdan oldin nimalarni bilish kerak.
3. Relif® Ultra preparatini qo’llash
4. Bo’lishi mumkun bo’lgan hohush reaksiyalar
5. Relif® Ultra preparatini saqlanishi
6.O’ram tarkibi va boshqa ma’lumotlar
1. Relif® Ultra o’zidan nimani tashkil etadi va u nima uchun qo’llaniladi.
Relif® Ultra preparati ta’sir etuvchi moddalar majmuasini saqlovchi rektal suppozitoriylar: gidrokortizon asetati va rux sulfati monogidrati. Preparat gemorroyni davolash vositasi farmakoterapevtik guruhga tegishli.
Qo’llanilishi
Relif® Ultra preparati kattalarda tashqi va ichki gemorroy; yoriqlar, orqa teshik eroziyalari; proktit (to'g'ri ichakning shilliq qavatining yallig'lanishi); anal qichishish, ekzema, perianal soha dermatitida qo’llaniladi.
Preparatning ta’sir etish usuli
Gidrokortizon asetati buyrak usti bezi po’stlog’ining steroid gormonining sintetik analogidir; mahalliy qo'llanilganda, u yallig'lanishga qarshi, shishga qarshi, allergiyaga qarshi, qon-tomirlarni toraytiruvchi va qichishishga qarshi ta'sirga ega. Yallig'lanish mediatorlarining hosil bo’lishini va chiqarilishini susaytiradi.
Rux sulfati yaralar va eroziyalarni bitishiga yordam beradi.
Shunday qilib, Relif® Ultra preparati qo'llash sohasidagi og'riq va yallig'lanishni kamaytirishga yordam beradi.
Agar 7 kundan keyin yaxshilanish bo'lmasa yoki o'zingizni yomon his qilsangiz, shifokorga murojaat qilish zarur.
2. Relif® Ultra preparatini qo’llashdan oldin nimalarni bilish kerak
Qo'llash mumkin bo'lmagan holatlar
Relif® Ultra preparati quyidagilarda qo’llanilmasin:
-
agar sizda gidrokortizon va/yoki rux sulfatiga yoki ushbu preparatning har qanday komponentlariga (ilova-varaqaning 6-bo‘limida sanab o‘tilgan) allergiyangiz bo‘lsa;
- anorektal sohada bakterial zamburug’li, anorektal sohadagi virusli infektsiyalar;
- anorektal sohaning hosilalari;
- tuberkulez;
-
Isenko-Kushing sindromi;
-
qandli diabetning og'ir shakllari;
- gipernatriemiya;
- abssess;
-
ichak tutilishi, ichak perforatsiyasi simptomlari, peritonit, ichak oqma yara (shu jumladan, bir nechta), ichak anastomozlari.
Maxsus ko’rsatmalar va ehtiyotkorlik choralari
Relif® Ultra preparatini qoshdan oldin davolovchi shifokor yoki dorixona xodimi bilan maslahatlashing.
Ichak perforatsiyasi xavfi tufayli Relif® Ultra preparati ehtiyotkorlik bilan va faqat adekvat proktologik tekshiruvdan so'ng qo'llanilishi kerak.
Gipertonik kasallikni og’ir shakllarida, yurak ritmini buzilishlarida, immunitet tanqisligi holatlari, osteoporoz, qandli diabet va boshqa endokrin patologiyalarda, agar kutilayotgan terapevtik samara noxush reaksiyalar yoki asosiy kasallikning asoratlari rivojlanishining potensial xavfidan ustun bo’lsa, preparatni faqat jiddiy tibbiy ko’rsatmalarga ko'ra qo’llanilishiga yo’l qo’yiladi.
Preparatni qo'llash sohasida infeksiyaning rivojlanishida uni ishlatishni to'xtatish va davolovchi shifokorga maslahatlashish uchun murojaat qilish kerak.
Bolalar va o'smirlar
Relif® Ultra preparati 18 yoshgacha bo'lgan bolalar va o'smirlarda qo’llash uchun mo'ljallanmagan.
Boshqa preparatlar va Relif® Ultra preparati
Agar siz boshqa dori preparatlarni qabul qilsangiz, yaqinda qabul qilgan bo'lsangiz yoki qabul qilishni boshlashingiz mumkin bo'lsa, davolovchi shifokorga murojaat qiling.
Relif® Ultra preparatini dori preparatlarining metabolizmida ishtirok etadigan CYP3A kabi jigar fermentlari faolligi ingibitorlari bilan bir vaqtda qo‘llash tizimli noxush reaksiyalar xavfini oshirishi mumkin. CYP3A ingibitorlari ritonavir, ketokonazol, klaritromisin va boshqalar kabi dori vositalarini o'z ichiga oladi.
Steroid gormonlarni saqlaydigan boshqa dori vositalari bilan bir vaqtda qo'llanilganda (ham mahalliy, ham peroral) noxush tizimli samaralarni rivojlanish ehtimoli oshishi mumkin.
Yuqorida ko’rsatilgan preparatlarni bir vaqtda qo'llashdan saqlanish kerak, agar davolashning kutilayotgan foydasi tizimli noxush samaralarining ortishi xavfidan ustun bo'lgan hollarda.
Relif® Ultra preparatini antikoagulyantlar (qon ivishini kamaytiradigan preparatlar), peroral gipoglikemik preparatlar (glyukoza darajasini pasaytiradigan preaparatlar), barbituratlar, diuretiklar, yurak glikozidlari bilan qo'llashda ehtiyot bo'lish kerak.
Homiladorlikva emizish
Relif® Ultra preparatini homiladorlik va emizish davrida qo’llash mumkin emas.
Avtotransport vositalarini boshqarish va mexanizmlar bilan ishlash
Relif® Ultra preparati transport vositalarini boshqarish va mexanizmlar bilan ishlash qobiliyatiga ta'sir qilmaydi.
Relif® Ultra preparati tarkibida metilparagidroksibenzoati va propilparahidroksibenzoati saqlaydi
Relif® Ultra preparati metilparagidroksibenzoati va propilparagidroksibenzoati saqlaydi, ular allergik reaksiyalarni (shu jumladan kechikkan) chaqirishi mumkin.
3. Relif® preparatini qo'llanilishi
Preparatni har doim ilova-varaqaga muvofiq yoki davolovchi shifokor yoki dorixona xodimi tavsiyalariga ko’ra qo’llanilsin. Agar shubha paydo bo’lganda, davolovchi shifokor yoki dorixona xodimi bilan maslahatlashing.
Kattalar uchun tavsiya etilgan doza: 1 suppozitoriydan ertalab, kechasi va har bir ichak bo’shashidan keyin sutkada 4 martagacha rektal yuboriladi 7-14 kun davomida.
Preparatning tavsiya etilgan sutkalik dozasini oshirmang, shifokor tomonidan belgilanmagan hollar bundan mustasno.
Yuborish yo’li va (yoki) usuli
Preparat gigiena muolajalaridan keyin rektal qo’llanilishi kerak.
Suppozitoriyni shunday kiritish kerakki, u to‘g‘ri ichakka butunlay o‘tib ketmasdan, anal teshik kanalida (orqa teshik sohasida) qolishi kerak.
Suppozitoriyning asosini doka bilan bir necha minut davomida to'liq erimaguncha ushlab turish kerak.
Davolash davomiyligi
Relif® Ultra preparati bilan davolashning tavsiya etilgan davomiyligi 7 kunni tashkil etadi.
Agar siz Relif® Ultra preparatini kerak bo'lganidan ko'proq qo’llagan bo'lsangiz
Tibbiy amaliyotda organizmning hayotiy muhim funktsiyalarining buzilishi bilan preparat dozasini oshirib yuborilishi holatlari ta’riflanmagan.
Gidrokortizon (Relif® Ultra preparatining ta’sir etuvchi moddasi) steroid gormonlarga mansub bo’lib, uni yuqori dozalarda uzoq muddatli mahalliy qo'llash har qanday steroid gormonlarni yuqori dozalarini tizimli qo'llash (qon oqimiga tushgandan keyin rivojlanadigan) kabi oqibatlarga olib kelishi mumkin deb taxmin qilinadi: giperglikemiya (qondagi glyukoza darajasini oshishi), gipernatriemiya (qondagi natriy miqdorining oshishi), Isenko-Kushing sindromi (buyrak usti bezi gormonlarini ishlab chiqarishning kuchayishi), immunntetni susayishi, me’da-ichak yo’lining eroziyasi va yaralari, osteoporoz va boshqalar. Bunday hollarda preparatni bekor qilish, dezintoksikasion va simptomatik davolashni o’tkazish tavsiy etiladi.
Agar sizda preparatni qo'llash bo'yicha savollaringiz bo'lsa, davolovchi shifokor yoki dorixona xodimiga murojaat qiling.
4. Mumkin bo'lgan nohush reaksiyalar
Nohush reaksiyalarning ta’rifi
Barcha dori preparatlari kabi, ushbu preparat ham nohush reaksiyalarni chaqirishi mumkin, biroq ular hammada ham yuzaga kelmaydi.
Noma'lum - mavjud ma'lumotlarga asoslanib, uchrash tezligini aniqlash mumkin emas
Nohush reaksiyalar haqida xabarlar
Agar sizda Relif® preparatini qo’llanilganda har qanday noxush reaksiyalar yuzaga kelsa, davolovchi shifokor yoki dorixona xodimi bilan maslahatlashing. Bularga, shuningdek, ushbu ilova-varaqada ko’rsatilmagan noxush reaksiyalarga ham tegishli.
Shuningdek, siz Yevroosiyo iqtisodiy ittifoqiga aʼzo davlatlarning xabar almashish tizimi orqali nohush reaksiyalar haqida toʻgʻridan-toʻgʻri xabar berishingiz mumkin.
Rossiya Federatsiyasi
109012, Moskva, Slavyanskaya maydoni, 4 uy, 1-bino
Sog'liqni saqlashni nazorat qilish federal xizmati (Roszdravnadzor)
Telefon: +7-495-698-45-38, +7-499-578-02-30
Faks: +7-495-698-15-73
Elektron pochta: pharm@roszdravnadzor.gov.ru
https://roszdravnadzor.gov.ru/
Qozog'iston Respublikasi
010000, Nur-Sulton, ko'ch. A. Imanov, 13
Qozog‘iston Respublikasi Sog‘liqni saqlash vazirligi Tibbiyot va farmatsevtika nazorati qo‘mitasining “Dori vositalari va tibbiy buyumlarni ekspertiza qilish milliy markazi”
Telefon: +7 (7172) 78-99-11
Elektron pochta: farm@dari.kz
Belarus Respublikasi
220045, Minsk, Dzerjinskiy prospekti, 83, 15-bino, 8-qavat
“Sog‘liqni saqlash ekspertiza va sinov markazi” Respublika unitar korxonasi, Respublika klinik-farmakologiya laboratoriyasi
Telefon: +375-17-242-00-29
Elektron pochta: rcpl@rceth.by
Qirg'iziston Respublikasi
720044, Bishkek, ko'ch. 3-qator, 25
Qirg‘iziston Respublikasi Sog‘liqni saqlash vazirligi huzuridagi Dori vositalari va tibbiy buyumlar boshqarmasi
Telefon: +996 312 21-04-95
Faks: +996 312 21-05-08
Elektron pochta: dlsmi@pharm.kg
Armaniston Respublikasi
0051, Yerevan sh., Komitas prospekti, 49/4
“Dori vositalari va tibbiy texnologiyalar ekspertizasi ilmiy markazi. Akademik E. Gabrielyan «YOAJ
Telefon: (+374 10) 23-16-82; Горячая линия (+374 10) 20-05-05;
Faks: (+374 10) 23-21-18
Elektron pochta: vigilance@pharm.am
Nohush reaksiyalar haqida xabar berish orqali siz preparatning xavfsizligi haqida ko'proq ma'lumot olishga yordam berasiz.
5. Relif® Ultra preparatini saqlash
Preparatni bolaning qo'li etmaydigan joyda saqlang, bola uni ko'rmasligi uchun.
Preparatni karton qutida ko’rsatilgan"gacha yaroqli:" so'zlaridan keyin yaroqlilik muddati (yaroqlilik muddati) va blisterda korsatilgan yaroqlilik muddati o’tgach qo’llanilmasin.
Yaroqlilik muddati - bu oyning oxirgi kuni xisoblanadi.
25 °C dan yuqori bo'lmagan haroratda saqlansin.
Preparatni kanalizasiyaga tashlamang. Dorixona xodimidan sizga kerak bo'lmagan preparatni qanday utilizasiya qilishni (yo'q qilishni) aniqlashtiring. Ushbu chora-tadbirlar atrof-muhitni muhofaza qilishga yordam beradi.
6. O’ram tarkibi va boshqa ma'lumotlar
Relif® Ultra preparati quyidagilarni saqlaydi
Ta’sir etuvchi moddalar gidrokortizon va sink sulfati xisoblanadi.
Har bir suppozitoriy 10 mg gidrokortizon (asetati ko’rinishida) va 11 mg rux sulfati (monogidrati ko’rinishida) saqlaydi.
Boshqa ingredientlar (yordamchi moddalar): kakao loviya moyi, metilparagidroksibenzoati, propilparagidroksibenzoati, suvsiz kal'siy gidrofosfati, magniy stearati xisoblanadi.
Relif® Ultra preparatining tashqi ko’rinishi va o’ramning tarkibi
Relif® Ultra preparati-bu rektal suppozitoriylar
Torpedo shaklidagi och-oqdan och-sariq ranggacha bo'lgan tiniq bo'lmagan suppozitoriylar.
5 yoki 6 ta suppozitoriylar polivinilxlorid va polietilendan (PVX / PE) tayyorlangan ikki qavatli tiniq bo’lmagan plyonkali blisteriga joylashtiriladi. 2 blister ilova varaqasi bilan birga karton qutiga joylanadi.
Ro’yxatdan o’tkazilganlik guvohnomasining egasi
Bayer Consumer Care AG, Peter Merian Strasse 84, 4052 Bazel, Shveytsariya
Bayer Consumer Care AG, Peter Merian Strasse 84, 4052 Basel, Switzerland
Ishlab chiqaruvchi (chiqarish sifatini nazorat qilish uchun mas'ul):
Institut de Angeli S.r.L., 50066 Regello (Florensiya), Lock. Prulli, 103/C, Italiya
Istituto De Angeli S.r.L., 50066 Reggello (FI), Loc. Prulli, 103/C, Italy
Preparat haqida har qanday ma'lumot olish uchun, shuningdek, e’tirozlar holatlarida siz Ro’yxatdan o’tkazilganlik guvohnomasining vakili yoki ro’yxatdan o’tkazilganlik guvohnomasi egasiga murojaat qilishingiz kerak.
Rossiya Federatsiyasi va Armaniston Respublikasi hududida:
"BAYER" OAJ
107113 Moskva, 3-Rybinskaya ko'chasi, 18 uy, 2-bino.
Telefon: +7 (495) 231 12 00
Qozog‘iston Respublikasi va Qirg‘iziston Respublikasi hududida:
Bayer KAZ MChJ
050057, Olmaota sh., Timiryazev ko’chasi, 42, 15-pavilon, 301-ofis, Qozog'iston
Telefon: +7 727 258 80 40
Faks: +7 727 244 70 01
Belarus Respublikasi hududida:
220089, Minsk sh., Dzerjinskiy prospekti 57, ofis 54, Belarus
Telefon: +375 17 239 54 20
Faks: +375 17 336 12 36
Ilova- varaqasi qayta ko'rib chiqilgan
22.07.2021
Boshqa ma'lumot manbalari
Ushbu preparat haqida batafsil ma'lumot Ittifoqning http://www.eurasiancommission.org veb-saytida mavjud