Relief® Advans dori preparatining tibbiy qo'llanilishi bo'yicha yo'riqnoma
Ro'yxatga olingan raqami: LS-001101
Savdo nomi
Relief® Advans
Xalqaro patentlashtirilmagan nomi
Benzokain
Dori shakli
Rektal va tashqi qo'llash uchun malham
Tarkibi
1 malham tarkibida
Ta'sir etuvchi modda: benzokain 200 mg (20%).
Yordamchi moddalar: mineral moyi 120 mg (12%), vazelin 647 mg (64,7 %), propilenglikol 20 mg (2%), metilparagidroksibenzoat 2,4 mg (0,24%), propilparagidroksibenzoat 0,6 mg (0,06%), sorbitan monostearat 10 mg (1%).
Ta‘rifi
Bir xildagi, tarkibida yot qo'shilmalarsiz bo'lgan sarg'ish tusli oq rangdagi malham.
Farmakoterapevtik guruhi
Mahalliy anestetik vosita.
Kod АТХ: D04AB04
Farmakologik xususiyatlari
Benzokain mahalliy anestetik ta'sirga ega, rezorbtiv ta'sirga ega emas.
Qo'llash uchun ko'rsatmalar
Bavosil, orqa yo'l, proktologik jarrohkliklardan keyin, yashxislash muolajalarini o'tkazishda mahalliy anestetik vosita.
Qo‘llash mumkin bo‘lmagan holatlar
Preparat tarkibiy qismlariga yuqori sezuvchanlik, tromboemboliya kasalligi, granulositopeniya.
Qo'llash usuli va dozalari
Preparatni gigiyenik muolajalarni o'tkazgandan so'ng qo'llash zarur. Applikatordan himoya qalpoqchasi yechiladi. Applikator malham idishiga mahkamlanadi va ko'p bo'lmagan miqdordagi malham applikatorga surtish uchun siqib chiqariladi. Malham applikator orqali ehtiyotkorlik bilan orqa yo'lning shikastlangan qismlariga tashqaridan yoki ichkaridan kuniga 4 marta ertalab, kechqurun va har safar ichakni bo'shatgandan so'ng 7-10 kun davomida surtiladi. Har bir qo'llashdan so'ng applikator yaxshilab yuviladi va u himoya qalpoqchasiga joylashtiriladi. 12 yoshgacha bo'lgan bolalarga faqatgina shifokor ko'rsatmasi bilan qo'llanilsin. Agar davolashdan so'ng yaxshilanish bo'lmasa yoki alomatlar kuchayotgan bo'lsa, yoki yangi alomatlar paydo bo'layotgan bo'lsa, shifokor bilan maslahatlashish kerak. Preparatni yo'riqnomada keltirilgan ko'rsatmalar, usul va dozalarda qo'llang.
Nojo‘ya ta'siri
Turli sharoitda tarkibida benzokain saqlagan preparatlardan foydalanilganda quyidagi nojo'ya ta'sirlar ro'yxatga olingan. Bu ta'sirlar adabiyotlarda keltirilgani, yoki aholi tomonidan noaniq sonda ixtiyoriy ravishda kelib tushayotgani sababli ularning uchrash sonini har doim ham ishonchli baholab yoki preparatni qo'llaganda sabab-oqibat bog'liqligini o'rnatib bo'lmaydi.
Immun tizimi tomonidan buzilishlar
Allergik reaksiyalar.
Qon va limfatik tizim tomonidan buzilishlar
Metgemoglobinemiya.
Umumiy buzilishlar va qo'llash joyidagi buzilishlar
Eritema, mahalliy bezovtalik, shish, og'riq, qo'llash joyida toshmallar.
Teri va teri osti to'qimalari tomonidan buzilishlar
Allergik dermatit.
Agarda sizda yo'riqnomada keltirilmagan nojo'ya ta'sirlar kuzatilayotgan bo'lsa, bu haqida shifokorga xabar bering.
Dozani oshirib yuborish
Dozani oshirib yuborish alomatlari benzokainning farmokologik ta'siri bilan bog'liq bo'lishi mumkin. Dozani oshirib yuborishda uning tizimli absorbsiyasi uyquchanlik, bezovtalik, qo'zg'alganlik, og'ir hollarda - talvasa bilan namoyon bo'lishi mumkin. Juda kam hollarda benzokainning katta dozalari nafas olishdagi buzilishlar va sianoz bilan namoyon bo'ladigan metgemoglobinemiyani chaqirishi mumkin. Metilen ko'kining vena ichiga yuborilishi bunday holatni davolashda maxsus vosita hisoblanadi
Maxsus ko‘rsatmalar
Orqa chiqaruv yo'lidan ko'p qon ketishida yoki og'riq alomatlarining 7 kundan oshiq saqlanishida protkolog bilan qo'shimcha maslahatlashish zarur. Tarkibida benzokain bor maxsulotlar metgemoglobinemiyani chaqirishi mumkinligi haqida ma'lumotlar bor. Davolash vaqtida kuzatiladigan teri, lab va tirnoqlar sianozi, bosh og'rig'i, bosh aylanishi, hansirash (nafas olish qiyinlashishi), holsizlik, taxikardiya kabi alomatlar hayotga xavf solish ehtimoli bo'lgan, tezkor tibbiy yordamni talab qiladigan metgemoglobinemiya haqida darak berayotgan bo'lishi mumkin. Tizimli nojo'ya ta'sirlarni minimallashtirish maqsadida agar shifokor tomonidan boshqacha ko'rsatma berilmagan bo'lsa, sutkalik tavsiya qilingan dozani oshirmaslik kerak. Preparatning samaradorligini kamaytirmaslik uchun lateksdan tayyorlangan buyumlar (kontraseptiv diafragmalar va prezervativlar) bilan aloqasiga yo'l qo'ymaslik kerak. Preparatni shikastlangan teriga qo'llash tavsiya qilinmaydi, chunki bu tizimli absorbsiyasini oshirishi mumkin.
Homiladorlik va emizish davrida qo'llash
Kutilayotgan foyda homila yoki bola uchun ehtimoliy xavfdan yuqori bo'lgan hollarda, homilador ayollar va emizadigan onalarga preparatga ehtiyotkorlik bilan ko'rsatma berish kerak.
Transport vositalari, mexanizmlarni boshqarish qobiliyatiga ta'siri
Ta'sir qilmaydi
O'rami
Rektal va tashqi qo'llash uchun malham 200mg/g. 28,4 g dan propilendan bo'lgan qopqoqli laminat idishga. Malham idishining tomog'chasi folgadan qilingan himoya qutisi bilan muhrlangan. Malham idishi polietilendan bo'lgan applikator va tibbiy qo'llanishi bo'yicha yo'riqnoma bilan kartonli qutiga joylashtiriladi.
Saqlash sharoiti
25 ºС haroratdan yuqori bo'lmagan sharoitda. Bolalar qo'li yetmaydigan joyda saqlansin.
Saqlash muddati
2 yil. Yaroqlilik muddati o'tganidan keyin foydalanilmasin.
Tarqatish shartlari
Reseptsiz.
Ishlab chiqaruvchi
Ro'yxatdan o'tkazilgan guvohnoma egasi: «BAYER» AJ, Rossiya.
Ishlab chiqarilgan: Famar S.A., Avlon zavodi, Avlon sh.ning Afina-Lamiya milliy yo'lining 49-km, Attika, 19011, Gresiya
Iste'molchilar da'volarini qabul qiluvchi tashkilot:
«BAYER» AJ, Rossiya, 107113, Moskva sh. 3-Ribinskaya ko'chasi, 18 uy, 2 bet. Tel.: +7 (495) 231-12-00. www.bayer.ru
Yo'riqnomaning ushbu versiyasi 20.02.2020 yildan boshlab amal qiladi
СН-20230703-32
