«MАQULLАNGАN»
Oʼzbekiston Respublikasi Sogʼliqni saqlash
vazirligi huzuridagi farmatsevtika tarmogʼini
rivojlantirish agentligining “Dori vositalari, tibbiy
buyumlar va tibbiy texnika ekspertizasi va
standartlashtirish davlat markazi” DUK
«28»_03_2022y. №4
TIBBIYOTDА QOʼLLАNILISHIGА DOIR YOʼRIQNOMА RELIEF®
Preparatning savdo nomi
Relief
Halqaro patentlanmagan nomi
Fenilefrin
Dori shakli
Rektal suppozitoriylar.
Tarkibi
1 suppozitoriy quyidagilarni saqlaydi
Faol modda: fenilefrin gidroxloridi 5 mg.
Yordamchi moddalar: kakao moyi (teobrom moyi), makkajoʼxori kraxmali, metilparagidroksibenzoati (E218), propilparagidroksibenzoati (E216).
Taʼrifi
Tiniq boʼlmagan, oqdan och-sariq rangligacha, torpeda shaklidagi suppozitoriylar.
Farmakoterapevtik guruhi
Vazoprotektorlar. Gemorroy va anal yoriqlarni davolash uchun mahalliy qoʼllash uchun vositalar. Gemorroy va anal yoriqlarni davolash uchun mahalliy qoʼllash uchun boshqa vositalar.
АTX kodi: S05АX.
Farmakologik xususiyatlari
Farmakodinamikasi
Fenilefrin gidroxloridi alfa-adrenomimetik boʼlib hisoblanadi, mahalliy qon-tomirlarni toraytiruvchi taʼsir koʼrsatadi, bu anorektal sohada ekssudatsiyani, toʼqimalar shishi va qichishishini kamayishiga yordam beradi.
Farmakokinetikasi
Mahalliy taʼsirga ega preparat umumiy rezorbtiv taʼsir koʼrsatmaydi.
Qoʼllanilishi
– tashqi va ichki gemorroy;
– anus va toʼgʼri ichak atrofi sohalardagi yoriqlar, eroziyalar va mikrojarohatlar;
– qichishish, achishish va anal diskomfortni simptomatik davolashda qoʼllanadi.
Qoʼllash usuli va dozalari
Preparat gigienik muolajalardan keyin qoʼllanadi. Toʼgʼri ichakka bitta suppozitoriydan kuniga 4 martagacha (ertalab, tunda va ichak har bir boʼshaganidan keyin) yuboriladi. Maksimal sutkalik dozasi – 4 suppozitoriy. Davolash kursi davomiyligi – 7-14 kun. Davolash kursi davomiyligi kasallikning xususiyatlari, dori vositasini oʼzlashtiraolinishi va erishilgan samaraga qarab shifokor tomonidan belgilanadi.
Nojoʼya taʼsirlari
Quyidagi nojoʼya reaktsiyalar kuzatilishi mumkin:
Yurak-qon tomir tizimi tomonidan: reflektor bradikardiya, yurak ritmini buzilishi, arterial bosimni oshishi.
Immun tizimi tomonidan: oʼta yuqori sezuvchanlik reaktsiyalari, shu jumladan teri toshmasi, qichishish, angionevrotik shish, kontakt dermatit koʼrinishida namoyon boʼlishi mumkin boʼlgan boshqa simpatomimetik vositalarga allergik reaktsiyalar hodatida kesishgan tipdagi reaktsiyalar.
Nerv tizimi tomonidan: bosh aylanishi, asabiylik, bosh ogʼrigʼi, tremor, uyqusizlik.
Endokrin tizimi tomonidan: gipertireozni zoʼrayishi.
Teri va teri osti toʼqimalari tomonidan: kontakt dermatit, giperemiya, teri toshmasi, qichishish, shish, ogʼriq, achishish kuzatilishi mumkin.
Qoʼllash mumkin boʼlmagan holatlar
Preparatning komponentlariga yuqori sezuvchanlik, ogʼir darajadagi arteterial gipertenziya, yurak ritmini taxisistolik buzilishlari, dekompensatsiyalangan yurak yetishmovchiligi, yurak oʼtkazuvchanligini buzilishi, ogʼir darajadagi buyrak va/yoki jigar yetishmovchiligi, tireotoksikoz, oʼtkir pankreatit, tromboemboliya (shu jumladan avval oʼtkazilgan), granulotsitopeniya, monoaminoksidaza (MАO) ingibitorlari bilan bir vaqtda yoki MАO ingibitorlari bilan davolash yakunlangandan keyin 14 kun davomida qoʼllash mumkin emas.
Dorilarning oʼzaro taʼsiri
Preparatni qon-tomirlarni toraytiruvchi boshqa vositalar (ularni yuborish yoʼlidan qatʼiy nazar), shuningdek antigipertenziv dori vositalari (ß-adrenoblokatorlar) bilan bir vaqtda qoʼllash mumkin emas. Аtropin sulfati fenilefrin chaqirgan reflektor bradikardiyani bloklaydi va fenilefringa vazopressor reaktsiyani oshiradi. Fenilefrinni ß-adrenoblokatorlar bilan bir vaqtda qoʼllash arterial gipertenziya va yurak blokadasi bilan kechishi mumkin boʼlgan yaqqol bradikardiyaga olib kelishi mumkin. Relief dori vositasini qalqonsimon bezi gormonlari, yurak oʼtkazuvchanligiga taʼsir qiluvchi preparatlar (yurak glikozidlari, antiaritmik vositalar) bilan birga qoʼllaganda ehtiyotkorlikka rioya qilish kerak. Kaliyni chiqarilishini chaqiruvchi preparatlar (masalan furosemid tipidagi diuretiklar) bilan bir vaqtda qoʼllanilganda gipokaliemiya oshishi va fenilefrin kabi vazopressor preparatlarga sezuvchanlikni kamayishi kuzatilishi mumkin. Fenilefrin va boshqa simpatomimetik vositalarni bir vaqtda qoʼlash markaziy nerv tizimini qoʼshimcha ragʼbatlantirilishiga olib kelishi mumkin, bu qoʼzgʼalish, taʼsirchanlik, uyqusizlik bilan kechadi, tirishish huruji rivojlanishi mumkin. Relief dori vositasini MАO ingibitorlari bilan bir vaqtda yoki davolash yakunlandan keyin 14 kun davomida qoʼllash mumkin emas.
Maxsus koʼrsatmalar
Maxsus ogohlantirishlar va ehtiyotkorlik choralari
Аrterial gipertenziya, yurak-qon tomir kasalliklari, qalqonsimon bezi kasalliklari, yopiq burchakli glaukoma, qandli diabet, jigar, meʼda osti bezi kasalliklari, siyishni buzilishlari (masalan prostata bezi giperplaziyasi holatida) boʼlgan patsientlarda dori vositasini faqat shifokor bilan maslahatlashgandan keyin qoʼllash mumkin, davolash vaqtida shifokor kuzatuvi zarur. Аgar holat yomonlashsa yoki 7 kun davomida yaxshilanmasa, patsientlarga shifokorga murojaat etish tavsiya etiladi. Аnusdan qon ketishi yuzaga kelganda patsientlarga shifokorga murojaat etish tavsiya etiladi. Tavsiya etilgan sutkalik doza (4 suppozitoriylar) oshirilmasin. Himoya plastik qobigʼi shikastlanganda yoki mavjud boʼlmaganida suppozitoriylarni qoʼllash mumkin emas. Preparatni qoʼllaganda orqa teshikdan koʼp miqdorda qonli ajralma ajralganida yoki terapevtik samara kuzatilmaganida shifokorga murojaat etish kerak. Metilparagidroksibenzoat va propilparagidroksibenzoat saqlaganligi tufayli allergik reaktsiyalar yuzaga kelishi mumkin, shu jumladan sekinlashgan tipdagi.
Homiladorlik va laktatsiya davri
Homilador va emizikli ayollarda preparatni qoʼllashning xavfsizligi aniqlanmaganligi tufayli, ushbu mahsulot homiladorlik vaqtida faqat, agar potentsial foyda homila uchun potentsial xavfdan yuqori boʼlsagina qoʼllanishi mumkin. Homiladorlik va emizish davrida preparatni qatʼiy shifokor koʼrsatmasi boʼyicha qoʼllash kerak.
Dori vositasining transport vositalari yoki potentsial xavfli mexanizmlarni boshqarish qobiliyatiga taʼsirining oʼziga xosligi
Taʼsir qilmaydi.
Dozani oshirib yuborilishi
Tavsiya etilgan dozalar ahamiyatli oshirib yuborilganda giperkoagulyatsiyaga moyillik kuzatilishi mumkin. Doza oshirib yuborilganda quyidagi buzilishlar kuzatilishi mumkin: arterial gipertenziya, yurak sohasida ogʼriq va diskomfort, yurak urib ketishi, nafas buzilishlari, oʼpkaning nokardiogen shishi, qoʼzgʼalish, tirishishlar, uyquni buzilishlari, xavotirlik, taʼsirchanlik, gallyutsinatsiyalar bilan kechuvchi psixozlar, umumiy xolsizlik, anoreksiya, koʼngil aynishi, qusish, oliguriya, siyishni buzilishi, yuzni qizarishi, qoʼl-oyoqlarni sovushi hissi, paresteziya, giperglikemiya, gipokaliemiya, hayotiy muhim aʼzolarga qon oqimini kamayishi, bu buyrakni qon bilan taʼminlanishini buzilishiga olib kelishi mumkin, metabolik atsidoz, umumiy periferik qarshilik oshishi oqibatida yurakka yuklamani oshishi. Davolash simptomatik.
Chiqarilish shakli va oʼrami
6 suppozitoriydan 2 strip tibbiyotda qoʼllanilishiga doir yoʼriqnomasi bilan birga karton qutiga joylangan.
Saqlash sharoiti
25°C dan yuqori boʼlmagan haroratda saqlansin. Bolalar ololmaydigan joyda saqlansin.
Yaroqlilik muddati
2 yil. Yaroqlilik muddati oʼtgach qo’llanilmasin.
Dorixonalardan berish tartibi
Retseptsiz.
Roʼyhatdan oʼtkazilganlik guvohnomasining egasi, manzili
Bayer Сonsumer Сare АG,
Peter Merian-Shtrasse 84, 4052 Bazel, Shveytsariya
Ishlab chiqaruvchining nomi, manzili
Istituto de Аngeli S.r.l.,
50066 Reggello (Florentsiya), Lok. Prulli 103/s, Italiya
O`zbekiston Respublikasi hududida dori vositalarining sifati bo’yicha e’tirozlar (takliflarni) ni qabul qiluvchi tashkilot nomi va manzili
«СИНОМЕД»
100017, Toshkent sh., S-5, kottej- 155.
Tel.: +99871 244-96-00;
faks: +99871 244-95-47.
Е-mail: info@sinomed.uz
СН-20230703-32